Жителите од Босилово и Радово ќе добијат канти за селекција на отпад конкретно за селекција на пластичниот отпад. Како што не информираше градоначалникот на Општина Босилово Ристо Манчев, набавени се околу 700 канти кои ќе бидат распоредени на домакинства од овие две населенио места кои во наредниот период ќе има каде да го депонираат пластичниот отпад, кој место да заврши на депонија ќе може да се рециклира.
Станува збор за пластични канти со капак кои имаат волумен од 120 литри на две гумени тркала набавени од фирмата „Дема Ин“ Скопје. Ова фирма во конкуренција на уште четири други фирми достави најниска цена на распишаниот тендер на општината. Целата вредност на кантите што се набавени изнесува 444 600 денари или околу 7 229 евра.
Паралелно, Општина Босилово ќе набави и камион за собирање на смет односно товарно возило самоподигач за собирање на смет и надградба – ѓубретарка, за што како што напиша градоначалникот Ристо Манчев на ФБ во тек е втората тендерска постапка откако првиот беше неуспешен но пари за таа намена имало.
Општина Босилово изминатите четири години стави акцент на селекцијата на отпад пред се на пластичниот, за што иницираше и ги реализираа акциите,,Пластични шишиња за овошни дрвца“ кои наиде на огромен интерес кај граѓаните и јавноста. (Б.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
