Доктор Бошко Илиев специјалист по спортска медицина од Кавадарци ја преплива браната Турија кај струмичко, по повод Денот на независноста на Македонија. Тој во водите на ова вештачка акумулација беше околу два и пол часа при што ја исплива од почетокот до крајот во должина од околу 6 километри. Нему логистичка поддршка му беа спротски риболовци од Струмица во текот на пливањето со кое д-р Илиев сака да упати порака да се негуваат езерата во Македонија и да бидат искористени за спортување.
,, Го имам пливано Охрид, Дојран, езерото Тиквеш, Маврово, Берово, Мантово, Козјак. Сакам да упатам апел до младите да го практикуваат овој спорт но и да се свртат кон сопствените убавини и да се грижат за нив.Мојата цел е да докажам дека во земјава имаме навистина убави езера за кои треба да се грижиме. Тие можат да бидат погодни не само за туризам туку и за одржување на спортски настани на вода со добра организација ,, ни изјави Бошко Илиев кој годинава заради пандемијата и работните обврски немал многу време да му се посвети на пливањето
За д-р Илиев од Кавадараци ова му беше 91 во маратонско пливање што како соло што под капата на пливачката федерација во категоријата на ветерани. Освен во Кавадарци годинава тој пливал и на Крушевското езеро и кај Св Наум на Охридското а во наредниот период планира да го преплива Дебарското езеро. Лани Илиев за празникот Богородица ја преплива и браната Водочка во струмичко . Неговото пливање во Турија беше поддржано од општина Струмица и градоначалникот Коста Јаневски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
