Холандско-белгискиот оскаровец „Јас не сум робот“ на авторката Викторија Вармердам го доби Гран при наградата на 20. „Астерфест“ во Струмица. Вака одлучи жирито составено од филмските работници Клара Дошлов, Сезер Салихи и Ице Виранов откако беа прикажани 30 тина авторски филмови од земјава и странствона годинашниов Астерфест чии проекции беа во Домот на културата и летниот амфитеатар.
Наградата „Златна потковица“ ја доби Марко Црногорски за филмот „Избор“, „Сребрена потковица“ доби Александар Атане од Франција за „Сок од портокал“. Холандскиот „Еј, Ханун“ на Лина Тадун и Софијан Шуеб ја освои наградата „Бронзена потковица“.
,, Астерфест“ нуди можност за промоција на авторите на кратки, средно и долгометражни играни и документарни филмови. Не радува фактот што секоја година ни пристигаат филмови кои се добитници на награди на престижни фестивали во светот. Со овој фестивал во Струмица се обидуваме да ги потикнеме младите во земјaва да творат и се изразат на филмското платно “, кажа Горан Тренчовски основач на фестивалот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
