Министерот за земјоделство шумарство и водостопанство Цветан Трипуновски после состанокот со откупувачите и преработувачите на црвена пиперка соопшти дека е постигнат договор за откупните цени на црвената пиперка, чија берба само што не започнала. Договорот за откупните цени доаѓа откако министерот изминатиов период имаше средби и со земјоделците а во текот на вчерашниот ден и со откупувачите и преработувачите.
Како што објави министерот Трипуновски, договорено е откупната цена на црвените пиперки ПРВА класа да биде 40 денари,ПРВА/ВТОРА 30 денари, ВТОРА класа 20 денари и ТРЕТА класа 12 денари..
,, Откупувачите и преработувачите се согласија дека ќе се придржуваат до договорените цени во текот на целиот откуп, но во согласност на побарувачката истите имаат тенденција да се зголемуваат за што Државниот инспекторат за земјоделство ќе биде постојано на терен и ќе се грижи за да се запази динамиката и откупните цени на црвената пиперка. Вистински се грижиме за македонските земјоделци, тие конечно имаат партнер во Министерството,, објави министерот Трипуновски.
Во Струмичко откупот на црвените пиперки допрва се очекува да се интензивира. Земјоделците конутинирано бараа договорени цени за што уште зимоска бараа средба со откупувачите и преработувачите. Се очекува и оваа сезона најголемиот дел од домашното производство на црвени пиперки да заврши на странските пазари а остатокот за домашните преработувачки капацитети. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
