Прилепскиот тутунски комбинат идната недела ќе го почне откупот на тутун од тутунопроизводителите кои имаат склучено договори со Далија Табак која ова сезона не го отпочна откупот. Како што пренесува ,,Зелена берза’’ откупот за кооперантите од струмичко но и радовишко ќе се реализира на 5 те откупни ваги во радовишко што ги има ТК Прилеп. Во момнетов се прави превземање на договорите што ги има склучено Далија Табак за да можат тутунарите да ги добијат и субвенциите.
,,Од идната недела ние ќе направиме план како во Радовишкиот дел на нашите ваги, кои ги имаме 5, тие кооперати да си го предаваат тутунот. Со постоечките средства кои ги имаме обезбедно без проблем се вклопуваат и овие кооперанти од „Далија табак“, вели Кире Станкоски, извршен директор на ТК Прилеп
Завчера во населеното место Градашорци, реагираа тутунарите откако Далија Табак им соопшти дека заради необезбедени пари нема да откупуваат. Кажаа дека станува збор за околу 80 тина производители од Градашорци но ги имало и од други населени места од струмичко. Од МЗШВ информираа дека станува збор за околу 440 тони тутун што Далија Табак требало да ги откупи ова сезона.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
