Изненадувањето во женскиот одбојкарски шампионат, дебитантот Струмица Жени направи од готово вересија во мечот со Јанта Волеј на свој терен. По водството од 2:0 во сетови, несфатлив пад во играта на струмичанки кои го претрпеа првиот пораз на свој терен и пропуштија шанса да се искачат на третата позиција на прволигашката одбојкарска табела во женска конкуренција
Девојките на Атанас Милев и Вера Божијанова Димитриевска одлично го почнаа мечот. Сервисот им одеше и ги натераа гостинките во првиот сет да се помират само со 17 освоени поени. Вториот сет Јанта го смири приемот и донесе неизвесност и драма. Но присебноста на Струмица Жени им донесе водство од 2:0 откако го добија со 28:26.
И кога се очекуваше максимална победа од 3:0, Јанта одигра далеку поборбено и намали на 2:1 . Третиот сет го добија со 25:22. Струмица Жени не успеа да ги смири своите грешки ниту во четвртиот сет кој отиде кај скопскиот состав со 25:20. Струмица Жени лошо го почнаа и одлучувачкиот сет кој го загубија со 15:11 што резултираше со пораз од 3:2 во сетови.
Со овој пораз Струмица Жени остана на 4 позиција веднаш зад Наковски Волеј кој утре во салата Парк во Струмица игра со Работнички од Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
