По една сезона престој во скопски Вардар, Васе Михаилов повторно се враќа во својот матичен клуб Џио Струмица. По Владо Милев и тој потпиша договор со струмичани кои за наредната сезона најавуваат низа проекти со кои одбојкарска Струмица треба да ја направат неосвоива одбојкарска тврдина и да ја мапираат и на меѓународна сцена со млади квалитетни одбојкари. Михаилов вели дека не било тешко да ја донесе одлуката откако во Струмица и во Џио се врати другар му Милев со кои израснале во одбојкарските води а огромна била желбата да играат во ист тим
,, Не беше тешка одлуката откако разбрав дека мојот другар Милев се врати во Џио. Израснавме во одбојката и сакав заедно да играме во еден тим и да се бориме за нови титули. Уште полесно беше да се одлучам оти станува збор за нашиот ОК Џио Струмица кој има високи амбиции за наредните сезоани. Освен како одбојкар мојата задача е работа и со млади деца се со цел да иградиме база со млади квалитетни одбојкари кои ќе бидат гордост на Струмица и Македонија,, изјави за Дрнка.Мк Васе Михаилов кој има само пофални зборови за Вардар.
Михаилов повторно ќе биде капитен на синобелата струмичка чета која и понатаму е актуелен шампион на Македонија оти во последната сезона заради кризата првенството беше прекинато и не се прогласи победник.
ОК Џио Струмица планира оваа есен да се врати на европската сцена со учество во Челенџ купот на ЦЕВ, да биде најсериозен кандидат за освојување на двојната круна во Македонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
