Со цел подигнување на свеста за вклучување на лицата со различни попречености во општествениот и социјалниот живот, Центарот за развој на Југоисточниот плански регион изминатиот период ги опреми Дневните центри за лица со попречености во Струмица, Гевгелија, Радовиш и Валандово со реквизити и опрема и одржа обуки за нивно користење во функција на работно оспособување на корисниците на Центрите но и стекнување знаења и вештини за параолимписката спортска дисциплина Бочија.
Станува збор за проектот „Создавање на услови за поголема социјална инклузија на лицата со посебни потреби во Југоисточниот плански регион“ финансиран од Министерството за локална самоуправа и Швајцарската Агенција за развој и соработка со кој донирана е опрема во Дневните центри во Југоистокот со кои корисниците ќе стекнат знаења за вклученост на пазарот на трудот но и да се спортуваат.
Станува збор за грничарско колце, разбој за ткаење, опрема за спортот Бочија (параолимписка спортска дисциплина), сито печат за печатење на најразлични теми врз ткаенина и хартија, интерактивни уреди, сунгерасти реквизити и најразлични репроматеријали за изработка на магнетни и глинени украси. Паралелно Центрите добија и транспортери за инвалидски колички и трицикли согласно нивните потреби со кои ќе се овозможи пристап на лицата со попречености до настани кои се одвиваат во затворени објекти.
Учесници на обуките беа вработени и волонтери, корисници и родители на корисниците во Дневните центри кои преку теоретски и практичен дел се запознаа со правилата на играње на параолимписката спортска дисциплина Бочија, техники за принтање врз текстил со помош на Сито печат, изработка на рачни украси со разновидни мотиви со помош на Грничарско колце и силиконски модли.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
