Членовите на Дијаспора Петралинци во Швајцарија донираа работна униформа за вработените во ЈПКД Огражден во Босилово. Станува збор за жители од Петралинци кои работат и живеат во Швајцарија и на нивна иницијатива e обезбедена работната облека за вработените во комуналното. Има одделно униформи за работа преку летниот но и преку зимски период. Униформите се пристигнати во Босилово кои ќе бидат поделени на вработените во комуналното во Општина Босилово за извршување на работните задачи.
Градоначалникот Ристо Манчев изрази благодарност до жителите на Петралинци кои живеат во Швајцарија. Подвлече дека вредноста на донацијата се проценува на околу 20 илјади евра
,,Донацијата се проценува во вредност од околу 20.000 евра и обезбедени се повеќе видови на работни панталони ( кратки, со прерамки и без прерамки) повеќе видови на јакни ( зимски и летни), маици, флуоресцентни елеци и др. Оваа опрема треба да ги задоволи потребите на вработените во ЈКП “Огражден” – Босилово за период од неколку години. Уште еднаш, изразувам голема благодарност до Дијаспора Петралинци – Швајцарија,, напиша на ФБ градоначалникот Ристо Манчев.
Ова не е првпат жители од Петралинци кои живеат во Швајцарија преку групата ,,Дијаспора Петралинци“ да се организираат и помогнат на својата матична општина. Лани донираа трактор за потребите на ЈПКД Огражден. (М.К.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
