Академија Пандев со реми ја заврши годинашнава првенствена сезона. Во рамките на последното коло од шампионатот, струмичани ремизираа со Вардар 1:1. Црвено црните поведоа преку Хуан Фелипе во 65 минута додека десети минути подоцна ,,пандевци’’ преку Диме Димов израмни откако со глава го матираше голманот на гостите.
Со ова реми, Академија Пандев остана на третата позиција веднаш зад Шкендија и Вардар. Ова сезона остварија 17 победи, 7 нерешни исходи и 12 пораза. Преку третото место и со Куп титулата тие од поодамна обезбедија излез на европската фудбалска сцена
Имено ова првенствена сезона ќе биде испишана во клупската историја на Академија Пандев. Тие за првпат се закитија со една титула донесувајки ги во Струмица КУП пехарот и тоа во втората сезона како прволигаш. Имено овој тим за пет сезони од општинска стаса и до Лигата на Европа каде ќе игра квалификации
Еве го голот на Димов со глава со што тимот на Југослав Тренчовски ја затвори годинашнава првенствена сезона а по кусиот одмор ,, пандевци ’’ ќе се спремаат за дебитантскиот настап на европската фудбалска сцена
фото- www.gol.mk
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
