Државниот завод за статистика кој неодамна го објави јавниот Конкурс за ангажирање на реонски попишувачи и реонски инструктори за претстојниот Попис кој ќе се спроведе од 1-ви до 21-ви април, информира дека веќе биле пријавени околу 4.000 кандидати заинтересирани за попишувачи и реонски инструктори а рокот за пријавување трае до 28 февруари.
Како што објавивме во Југоистокот според објавениот Конкурс ќе бидат ангажирани 488 реонски попишувачи и инструктори при што даден е опис колку лица ќе бидат нагажирани по општини односно реони. На конкурсот можат да се пријават сите полнолетни државјани кои се невработени со завршено најмалку средно образование и имаат основни компјутерски вештини. Пријавувањето трае од 23 до 28 февруари.
Дополнително, Државниот завод за статистика во Правилникот за утврдување на начинот и поблиските услови за утврдување на надоместокот за извршените работи на учесниците во Пописот, 2021 година ги утврдува и надоместоците за реонските попишувачи и реонските инструктори.
Надоместокот за попишувачите за правилно внесени податоци во електронскиот прашалник се утврдува да изнесува:
- за попишувач паушален износ од 4.000,00 денари;
- за секое попишано лице по 30,00 денари;
- за секој попишан стан по 20,00 денари;
- за секое попишано домаќинство по 50,00 денари;
- за лице определено за резерва паушал од 5.000,00 денари;
- за секој ден ангажирање по повик на резервниот попишувач 700,00 денари дневно.
Надоместокот на реонскиот инструкторот се утврдува да изнесува:
- за реонски инструктор паушален износ од 5. 000,00 денари;
- за секоe попишано лице од попишувачот по 3,00 денари;
- за секое попишано домаќинство од попишувачот по 5,00 денари;
- за секој попишан стан од попишувачот по 2,00 денари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
