ООУ „Мануш Турновски“ од Ново Село денеска во паркот пред Домот на културата организираше Велигденски базар на кој доминираше детската креативност, позитивната енергија но и хуманоста.
Имено учениците и наставниците од одделенска настава од сите подрачни училишта на ООУ „Мануш Турновски“ се собраа на едно место и во пресрет на големиот христијански празник Велигден другаруваа, играа, бојадисуваа велигденски јајца, правеа уметнички изработки и со продажбата на истите собираа средства за настраданите во Кочани.
Вкупно 140 ученици од одделенска настава направија голема празнична магија и споделија енергија во општинскиот центар Ново Село и упатија порака дека само сплотени може да се пребродат стихиите на денешницата. Како што соопштија од училиштето собрани се 53.450 денари кои ќе бидат уплатени за поддршка на Кочани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
