Одбојкарките на Наковски и Виктори Волеј забележаа убедливи победи на гостувањата во рамките на редовното четврто коло во Кичево и Тетово со што се пробија во горниот дел од табелата. Наковски волеј стана лидер во прволгиашкото друштво и го чека исходот од дербито межу Работнички и Вардар а Виктори фаќа приклучок во топ 6 те најдобри екипи
Тимот на Наковски Волеј, избраничките на Хари Наковски и Александар Митев одиграа мудро и претпазливо во Кичево каде славеа со 3:0 во сетови (25:17, 26:24, 25:16). Тие имаа контрола на резултатот во целиот меч и не дозволија сет за домаќинките кои се заканија во вториот сет. Ова е четврта победа за Наковски кој станува сериозен кандидат оваа сезона за една од титулите
Проблеми немаше ниту Виктори Волеј кој во Тетово ,,прошета’’ против младиот состав на Бами Кор кој е на последната позиција на табелата. Девојките на Кире Јанков славеа со 3:0 (25:16, 25:22,25:09) и освоија нови три бода на своето конто.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
