Двајца скопјани на возраст од 31 и 91 година се новите жртви на коронавирусот во земјава а во последните 24 часа има регистрирано нови 16 новозаболени пациенти, со тоа вкупната бројка е 257. Ова денеска го кажа министерот за здравство Венко Филипче кој подвлече дека и двете лица што починале биле на лекување на Клиниката за инфективни болести. Постариот пациент осум дена се борел со болеста, а помладиот вчера бил поставен на респираторен систем.
„Кај помладиот пациент еден ризик фактор е обезноста (дебелина, н.з.) која што тој ја имал. Пациентот имаше најтешка форма на влошување која е опишана во литературата, клиничка слика со крварење и на некој начин распад на белите дробови. Овој смртен случај на млад човек покажува дека никој не е имун на овој вирус. Сите кои не биле убедени од опасноста на КОВИД-19 сега им е јасно дека ова е сериозна закана и мораме сериозно да се однесуваме“, рече министерот Филипче, одговарајќи на новинарско прашање.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
