Радовишкиот мега самун кој беше долг околу 6,5 метри, годинава тежеше околу 50 килограми од кои 30 килограми беа месо. Се работел пет часа а за негово печење потрошени се еден тон палети. Вака ни раскажа Митко Лукаров сопственик на пекарата Лукас трејд од Радовиш за годинашниов Мега самун кој прв го вкуси градоначалникот Ацо Ристов заедно со познатиот готвач шеф Марк.
,, Наш мајстор со помош на технолог од Скопје го правеа Мега самунот кој синоќа се вкусеше на манифестациајта ,,Самун ем татлија“ . Горди сме што цели девет години го правеме овој наш радовишки специјалитет во џиновско издание. Потрошиевме 20 килограми брашно и 30 килограми месо. За негово печење моравме да ја ставиме печката која е надвор од употреба и требаше два дена да ја постигне работната температура за што потрошивме еден тон палети. Но кога станува збор за наше обележје, наш специјалитет и гордост едноставно е задоволство,, ни кажа Митко Лукаров од пекарата Лукас Трејд (В.Трајков фото ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
