Две лица, од кои едното од Куманово, а другото од Тетово се приведени откако вчера на граничнуиот премин „Богородица“, во акција на Бирото за јавна безбедност (БЈБ) при Министерството за внатрешни работи (МВР) и на Царинската управа се запленети 188 килограми наркотична дрога марихуана. Како што е познато камионот во земјава влегол од Косово на 8 февруари на ГП Блаце.
„ Сторителите на кривичното дело, двајца возачи, едниот од Тетово, а другиот од Кумановско, на 8 февруари влегуваат на Блаце со камион. Утредента едниот од нив го презема камионот и од локација меѓу Куманово и Паланка, оди кон Богородица. На Богородица е извршена детална контрола на камионот при што помеѓу компресирана рециклирана хартија во четири бали е откриена дрогата. Проценетата вредност на дрогата на црниот пазар изнесува 707 илјади евра“, кажаа денеска директорот на Царинската управа Бобан Николовски
Директорот на БЈБ запрашан дали марихуаната е од Косово или пак од Македонија и дали освен двајцата возачи имаат индииции за инвловираност на други лица во каналот за вшерц на дрога, Александар Јанев одговори дека истрагата ќе биде проширена и треба да даде одговор на повеќе прашања.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
