Да се пробуди хуманоста, човечноста кај народот оти не е сè во матријалното. Да се биде човек, оти некој гледа и враќа трипати. Ова е пораката што сака да ја упати Марјан Христов – Смоларски преку стихозбирката ,,Смоларе во срце те носам“
Во стихозбирката поместени се 120 песни, директно или индиректно поврзани со населеното место Смоларе. Како што вели авторот Христов, мотивите се од Смоларчани кои останале во селото или живеат во странство, убавините и животот на ова место, несовесните локални и владини политики, носталгијата што ја има за Смоларе.
,, Уште одамна имав желба да издадам книга со моја поезија, но некој период од 2010 до 2016 немав напишано ни една песна, после кога почнав да одам по странство, почнаа да се будаат емоции. Од 2022 па до денес ги напишав повеќето песни а инспирацијта ми е родниот крај. Знаете сиховите сами од себе доаѓаат. Срцето диктира и раката пишува, за да ја изразам љубовта, бесот, гневот, симпатиите поврзани за денешото време во кое Смоларе опстојува,, вели Марјан
,, Сакам со моите песни да се пробуди во народот тоа што спие кај нив а тоа се хуманоста и човечнсота бидејки не е се во матријалното. Сакам да порачам дека само сложни браќа – куќа градат, само со слога се се може, и желба за поубав роден крај. Сите ние гледаме по западните држави како се средени и се одржуваат селата. Можеме и ние, само ни треба желба,, вели Смоларски
(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
