Даниела Иротова-Лазарева од Радовиш е новата директорка во Платежната агенција на Македонија или АФПЗРР – Агенцијата за финансиска поддршка во земјоделството и руралниот развој. Според министерот за земјоделство Цветан Трипуновски, Иротова-Лазарева ќе обезбеди непреченото функционирање на оваа институција откако пораншениот директор Илија Стоилев беше фатен во голем корупциски скандал околу ИПАРД програмата.
Даниела Иротова-Лазарева е добар познавач на состојбите на аграрните политики во нашата земја. Беше државен секретар во МЗШВ а била и претседавач на Комитетот за следење на ИПАРД програмата 2021-2027 година, назначена во ноември лани.
„На последната владина седница минатата недела назначен е нов директор на Платежната агенција кој од денеска стапува на должност и ќе ги движи процесите во нормален тек за да не се појави паника или загриженост кај земјоделците, туку ќе продолжиме со тековно работење на Агенцијата. Новиот директор е Даниела Лазарова Иротова, поранешен државен секретар во Министерството за земјоделство, образложи министерот за земјоделство Цветан Трипуновски.
Даниела Иротова-Лазарева е дипломиран инженер по општо шумарство, Факултет за шумарство и дрвна индустрија „Кирил и Методиј“ – Скопје. Магистрант на катедрата за „Управување со сливните подрачја и природните непогоди (земјиште и вода) во шумските екосистеми“ на Шумарскиот факултет при универзитетот„Кирил и Методиј“- Скопје. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
