Од почетокот на вакцинацијата против ковид-19 се вакцинирале 120 лица над 77 години од струмичко кои беа пријавени Мој термин, соопшти д-р Милан Гудев од ЈЗУ ,,Здравствен дом’’ Струмица. Станува збор за три дена со оглед дека имунизацијата почна во средата а за што Здравствен дом адаптираше простории на спортска медицина каде сите што дошле ја примиле првата доза од вакцината Астерзенека.
,, Има интерес за вакцинација и сите термини до 9 април се пополнети. Сите што дојдоа за првите три дена ја примија вакцината а оние што беа пријавени а не дојдоа не известија дека заради одредени заболувања не биле во состојба да дојдат на закажаниот термин, ни изјави д-р Милан Гудев од ЈЗУ Здравствен дом Струмица.
Вакцинацијата на лица над 77 години од петокот почна и во останатите Здравствени домови во Југоистокот каде исто така беа испорачани вакцини од Астерзенека. Во Струмица пристигнаа 600 вакцини. Од утре продолжува вакцинацијата согласно термините утврдени од Мој термин а здраствените власти од утре најавија и вакцинација и со Спутник
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
