Грчките погрaнични служби на ГП Евзони околу 14 часот ги кренаа рампите за влез на странски државјани. Според информациите тие го добиле протоколот од грчката влада како да пропуштаат граѓани од други држави на нивна територија со оглед дека денеска кај нив стартуваше туристичката сезона. Веста ја птоврди и командирката на ГП Богородица Јасминка Аврамска
,, Грчките колеги не информираа дека ја добиле одлуката од Владата со што и официјално е отворен ГП Евзони за проток на патници кој беше затворен цели 14 месеци и преку истиот се пропуштаа само грчки државјани и се реализираше товарниот сообраќај,, ни изјави Аврамска
Претпладнево заради немање протокол како да се пропуштаат патници, пред Евзони се создаде колона од возила со македонски и српски регистарски ознаки кои со часови чекаа влез во Грција. По долго чекање дел се вратија во Македонија додека српските патници се упатија кон Бугарија.
Во мегувреме МВР излезе со информација дека Евзони по овој принцип ќе работи до 24 мај во периодот од 6 до 22 часот по македонско врме.
За влез во Грција граѓаните треба да се пријавата на www.travel.gov.gr и да приложат потврда дека се вакцинирани двојно или дека поседуваат негативен ПЦР тест не постар од 72 часа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
