Од денеска на сила е најновото од продолжувањата на забрани за влез во Грција на голем број земји, меѓу кои и државјани на Македонија. Од оваа мерка за заштита од ширењето на болеста ковид-19 предизвикана од новиот корона вирус се исклучени одредени категории луѓе.
Забраната за влез во Грција на македонските и за државјани на трети земји, како и привремените ограничувања на копнените граници со Македонија, Албанија и Турција, е продолжена од 15 септември. Туристите и странските државјани за кои не постои забрана во Грција може да влезат само преку граничниот премин со Бугарија, Кулата-Промахонас, но мора да имаат негативен тест за ковид-19 направен најмногу 72 часа пред пристигнувањето.
На граничниот премин Евзони (Богородица) кон Македонија е дозволен само за одредени категории и исто така со негативен ПЦР тест. Овој граничен премин е отворен од 7 часот наутро до 23 часот, а забраната не важи за грчки државјани, за лица кои имаат дозвола за престој и лица кои живеат во Грција, за влез на лица со апсолутно неопходни професионални или медицински причини за кои имаат и потребни документи, како и за транзит на болнички возила кои преку Македонија влегуваат во Грција за хоспитализирање на пациенти кои припаѓаат на дипломатскиот, воениот или административниот персонал на земјите членки на ЕУ и EULEX на Косово.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
