Какво време дојде лудо, луѓето стана чудо, по неколку лица носат и се пред себе косат. Ова е пораката што ќе ја упатат членовите на карневалската група „Мулен Руж“ од Струмица со маската „Лицемерие“. Тие цел месец ја подготвуваат маската со која ќе се престават на големото карневалско дефиле во сабота на 16 ти март по струмичките улици. Жените се задолжени за костимите а мажите за возилото на кое ќе има џиновска фигура со неколку лица.
,,Идејата е од секојдневието, што не опкружува а тое е лицемерието. Одлучивме да направиме нешто модерно. Сите ние ќе бидеме облечени во блескави костими со пердуви, длабоки деколтеа и разголени нозе нешто налик на костимите на учесниците на бразилски Рио а паралелно ќе носиме и по неколку лица. Паралелно мажите ќе бидат во костими со огледало за да видиме и покажеме колку сме лицемерни“ вели Анита Станковска членка на групата „Мулен Руж“.
Вкупно 22 членови ќе настапат во маската „Лицемерие“. 12 се жени кои изминатиов месец секој ден од 17 до 22 часот се собираа во стан во Струмица и ја работеа маската. Едни кроеа, други шиеа, трети лепеа украси и пердуви. Сите имаа свои задачи кој и што да работи за да бидат воочливи на карневалското дефиле кое ќе трае околу четири часа во сабота на 16 ти март.
,, Не можам да го опишам чуството кога си на големото каренвалско дефиле. Сите сакаат да се фотографираат со нас. Јас сум велешанка мажена овде и од 2000 година секоја година се маскирам. Преку маските го кажуваме тоа што во реалноста не можеме да бидеме. Досега Мулен Руж секогаш е оригинален. Идеите доаѓат од интернет но како група разговараме и одлучуваме каква да биде нашата маска. Годинава идејата дојде со пораката Доста лицемерие, имајки во предвид дека треба да бидеме реални, да се почитуваме и да не сееме негативност, односно да го вратиме човекот со вистинското лице“ кажа Станковска која подвлече дека иднината на струмичкиот карневал зависи од младите за што повозрасните ќе мора да ги ангажираат постепено, прво да ги носат костимите а потоа и да ги изработуваат.
Таа подвлече дека иднината на струмичкиот карневал зависи од младите за што повозрасните ќе мора да ги ангажираат постепено, прво да ги носат костимите а потоа и да ги изработуваат оти еднаш во маска секогаш ќе сакаш да бидеш под маска на струмичкиот каренвал велат членовите на ова група
На пет километри од станот, мажите од групата ,,Мулен Руж“ се собрани во хангар. Тие се задолжени за возилото кое ќе биде дел од маската. Таму се работи на човечка фигура која наликува на Аватар а во рацете носи две лица. Едното се смее, другото плаче. Тие ќе кружат маскирани како огледала за да се погледне секој прво себе.
,, Ова фигура е изработена од метална конструкција, сунгер, стиропор и текстил. Носи две лица. Секој е маскиран и не го знаеме вистинското лице, независно дали е карневал или не. Во ова време сите го криеме на некој начин вистинското лице. ,,Мулен Руж“ е тим кој секој знае што треба да се направи пред и за време на карневалот,, кажа Митко Тошев
Со маската како што кажаа сите членови на Мулен Руж ќе се обидат да допрат до секого за искреност но и да се разбуди емпатијата кај секого, бидејки со дволичност нема да се стаса никаде.
,, Пријатели веќе нема, дружбата ја снема. Лажна е радоста за друг сега, оти од љубомора душата се стега. Време е да се вратиме назад сите, оти ни се бројат дните. Во огледало нека се види секој јасно, за да не биде после касно“, надополнуваат мажите за маската Лицемерие
Струмичкиот карневал започнува денеска со предавањето на клучот на градот на карневалистите и изложбата на маски на СОУ,, Јане Сандански“. Во четврток ќе биде концертот под маски на музичкото училиште Боро Џони како и изложбата 30 години од приемот на Струмица во асоцијацијата на европските карневалски градови. Во петок се маскенбалите а големото карневалско дефиле е во сабота кога ке настапат 47 каневалски групи од кои 20 ќе бидат од Србија, Црна Гора, Хрватска, Бугарија, Грција и Босна. ( В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
