Одолговлекување на судски постапки пред Управен и Апелација, високи сметки за струја, фактурирање на застарени долгови кои не се оптужени, предмети за денационализација. Ова се најчестите преставки што граѓаните од Југоистокот ги имаат поднесено до канцеларијата на Народниот правобранител во Струмица Славчо Тимов минатата година. За 20% се зголемени претставките на граѓаните а зголемен е интересот на граѓаните за добивање правна помош и совети. Како што вели Славчо Тимов од канцеларијата на Народниот правобранител во Струмица најголем број од преставкисте се однесуваат на повреда на правата на граѓаните во правосудството. Ова продолжува да биде доминантен проблем, како и во претходните години.
„Граѓаните најмногу се жалат на одолговлекување на постапките пред Управниот суд и сега во поново време имаме претставки за одолговлекување на жалбените постапки пред Апелацискиот суд. Од надлежните добивам одговор дека тоа е поради недоволниот број на судии – судовите не можат да се справат со заостанатиот број предмети“, вели Тимов.
Минатата година, струмичани освен на проблемите со правосудството, се жалеле на повреда на потрошувачките права. Граѓаните се жалат на високи сметки за потрошена електрична енергија но и на фактурирање на застарени долгови кои не се оптужени и треба да се избришат. До канцеларијата на Народниот правобранител, која го покрива целиот Југоисточен регион и Неготино, претставки имало и од областа на социјалната заштита, но и предмети поврзани со денационализацијата.
„Тоа се предмети по барање на граѓани од 2000 до 2002 година за кои постапките сѐ уште траат, иако се поминати повеќе 20 години. Како изговор за нерешавање на предметите се наведува менувањето на членовите на Комидисијата за денационали- зација и дека предметите не се доволно документирани, а имаше и случај на изгубен предмет. Во секој случај, тоа не е оправдување бидејќи граѓаните сакаат да добијат правда. Задоцнета правда некогаш е неправда“, вели Тимов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
