Како да се решат дивите депонии, да се најде модел за изградба на регионална депонија, чистењето на речните корита, шумската сеча. Ова беа дел од темите и проблемите кои му ги посочија градоначалните на Струмица, Василево, Ново Село и Босилово на средбата со холандскиот амбасадор во земјава Дир Јан Коп на презентацијата на еко документарниот филм ,, Некогаш во Венецуела,, организирана од ЕД ,,Планетум’’ од Струмица.
Целта на средбата и презентацијата на филмот беше на заедничка маса да седнат сите чинители кои на директен или индиректен начин се поврзани со заштита на животната средина и преку свои предлози да понудат конкретни предлог решенија за одреден еколошки проблем од локален или регионален карактер.
Градоначалниците на Струмица, Босилово, Ново Село и Василево – Костадин Костадинов, Ристо Манчев и Славе Андонов конкретизираа дека зачувавањето на животната средина е нивен приоритет и како локални самоуправи ќе се потрудат да ги решаваат напластените еко проблеми. Тиа пак на средбата со холандскиот амбасадор побараа поддршка и преку одредени фондови да се обезбедат средства за реализација или пак зајакнување на капацитетите на одредени чинители за решавање на одредени еко проблеми кои се од витално значење на самите општини
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
