Првиот човек на општина Струмица Коста Јаневски од населеното место Добрејци каде се поставува нов асфалтен слој на главната улица најави почеток на нова градежна офанзива во општината односно реализација на инфраструктурни проекти како во градот така и во населените места. Како што кажа Јаневски освен во Добрејци каде ќе се асфалтираат ште две улици, ќе се работи и во Куклиш но и во други улици. Паралелно се работи и во градот на повеќе позиции кажа Јаневски
,, Во тек е реконструкција на тротоари на улицата „Ѓуро Салај“, потоа и на тротоарите на улицата „Климент Охридски“ и на еден дел од улицата „Младинска“, а планираме и асфалтирање со втор слој на делницата од семафорите пред трговскиот центар „Глобал“ до улицата „24-ти Октомври“ кој е еден доста руиниран дел, асфалтирање околу популарно наречениот кружен тек „Бурчо“ и исто така многу важно асфалтирање со втор слој и реновирање на улицата „Бетовенова“ во Турското маало, каде што е започната подготовката и изведбата на еден подолг потпорен ѕид кој што заради конфигурацијата на самиот терен е малку сложен за изведба,, подвлече првиот човек на општината
Градоначалникот Јаневски при посетата на изведбените работи во Добрејци најави и други градежни активности што се случуваат или пак допрва ќе се реализираат во општината додека средствата се обезбедени главно од сопствениот Буџет но и во соработка со Центарот за развој на југоисточниот плански регион но и државните институиции
Еве што кажа Јаневски на кои се позиции се работи или ќе се работи
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
