Никола Ѓоргиев и официјално стана дел од турскиот одбојкарски прволигаш Инего Беледиеспор со кого потпиша едногодишен догвоор. Првиот човек на клубот кој паралелно е и градоначалник на градот Инегол Алпер Табан , струмичкиот интернационалец и член на македонската одбојкарска репрезентацијја го нарече како скапоцен играч за клубот кој огиднава има сериозни амбиции за влез во Плеј офот.
,,Како што знаете, би сакале да пловиме кон нови успеси оваа сезона. Формиравме добар тим со искусниот тренер и учител Левент Зороглу. Му посакувам успех на нашиот скапоцен играч. Ѓоргиев ќе додаде вредност во нашиот град и ќе најде вредност во нашиот град’’, рече на цеременијата градоначалникот на Инегол и претседател на клубот Алпер Табан
Минатата сезона Никола ја мина во германскиот прволигаш „Фридрихсхафен“, а трансферот во „Инегол“ претставува камбек во турската одбојка, каде во периодот од 2011 до 2014 година со успех го носеше дресот на „Спор Тото“.
,, Среќен сум што одлично ме пречекаа и ме прифатија како член на семејството. Услвоите за работа се одлични. Лани екипата заврши како десета во првенството а ова сезона очекуваме пласман во 8 те најдобри екипи и учество во плеј офот. Не чекаат добри 30 натпревари со оглед дека годинава лигата ќе брои 16 екипи,, ни изјави Ѓоргиев
Во својата кариера Ѓоргиев настапуваше и за Париз во Франција, за Варшава во Полска, во јапонскиот шампионат ги бранеше боите на „Торај“ и на „Осака“, во Италија една година беше дел од тимот на „Форли“, а првиот интернационален предизвик по заминувањето од Струмица го имаше во српскиот клуб „Раднички“ од Крагујевац.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
