На маскенбалот во Струмица кој е увертира на големото карневалско дефиле присуствуваше и првиот човек на општината Костадин Костадинов. Тој се појави со партнерката Снежана Ѓорѓева која е од Струмица и беа облечени како викинзи. Веќе извесен период градоначалникот е во друштво на Снежана која по професија е информатичар. Тој подвлече дека маската ,,викинзи“ во која беа облечени, била заеднички избор и воопшто не било тешко да ја состават маската за вечерашниов маскенбал.
,, Ова моја денешна маска е Викинг. Тие се симбол на честа, на борбата, на храброста на немањето страв а пораката нормално е дека, откажување има само со смрт. Изборот на маската беше заеднички и воопшто не беше да се состави истата, кога се има љубов кон традицијата“, кажа градоначалникот Костадинов кој со Снежана се појави и на дел од активностите поврзани со одбележувањето на патронот на Струмица Св. 15 Тивериополски Свештеномаченици.
Костадинов подвлече дека ова манифестација придонесе повторно Струмица да биде во центарот на вниманието и да биде посетена од илјадници гости од земјава и странство. Големото карневалско дефиле по струмичките улици почнува во сабота на 1 март во 18 часот и 30 минути.
Струмица од завчера карневалски пулсира а утре струмичани ќе ги извадат своите маски кои ги подготвуваа повеќе месеци.(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
