Во резиденцијата на Владата на Република Словенија, вила „Подрожник“ во Љубљана градоначалникот на Ново Село Ѓорѓе Божинов додели плакети на словенските армиски и полициски пилоти и пожарникари кои учествуваа во гаснењето на пожарот кој беснееше летово на планината Огражден а на 17 ти јули спасуваа и човечки животи. На свеченоста во Љубљана присуствуваа и министрите за одбрана на Македонија и Словенија Владо Мисајловски и Борут Сајовиц кои ја потврдија сорабоката меѓу овие две држави. Градоначалникот општина Ново Село плакетите ги додели во знак на благодарност за пожртвуваноста на словенските пилоти и пожарникари кои не само што беа директно вклучени во гаснењето на пожарот туку учествува во спасувачката мисија при што ги извлекоа од пламените јазици него, тројца пожарникари и тројца цивили на Огражден кај Бадилен
,,Вашата нација заслужува да биде горда на Вас. Дозволете ни денеска во името на граѓаните на Општина Ново Село и во мое лично име да Ви се заблагодариме.
Најпрвин затоа што успеавте заедно со нашите пожарникари успешно да се исправите пред пожарот кој ги загрози некои од најубавите предели на Македонија и Балканот – песта прекрасни и чисти налик на редица локации во Вашата ценета Словенија. За мене ова прилика денеска има посебно значење. Ви благодарам длабоко и искрено што во денот кога решив сам да се спротивставам на огнот, храбро ме извлековте од неговата закана” потенцирал градоначалникот Ѓорѓе Божинов при доделувањето на плакетите во Словенија
Веста градоначалникот ја сподели и на социјалните мрежи каде подвлече дека благодарение на словенските пилоти и пожарникари тој денеска се радува како татко на тримесечната ќеркичка
,,Им се заблагодарив за храброста и фактот што со нивната спасувачка интервенција денеска јас можам да се радувам како татко на тримесечна ќерка. Им благодарам од името на моето семејство, на мојата општина, држава и од името на секој човек кој ги побарал за помош и се уверил во значењето на нивната работа и дело” напиша Божинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
