Градоначалникот на Општина Ново Село Ѓорѓе Божинов денеска во Центарот за управување со кризи додели Плакти за вонреден институционален ангажман и учество во гаснењето на големиот шумски пожар кај Бадилен, на планината Огражден. Плакети добија пилотите на Хеликоптерската единица на МВР, ВИНГОТ на Армијата и Дирекцијата за заштита и спасување . Овој пожар беше активен неколку дена и траеше се до 22 јули и според ЈП Македонски шуми однесе околу 12 илјади кубни метри огревно дрво.
Плакети беа доделени и на Центарот за управување со кризи кој беше активени контуинирано за време на кризата имплементирајќи ги нивните одлуки и заклучоци на националните ресурси на терен, во директна комуникација и координација како со локалните структури и градоначалниците на ЕЛС, така и со пилотите на леталата кои континуирано беа во воздушна поддршка на пешадиските сили.
,,Овој гест на благодарност од страна на градоначалникот на Ново Село, Божинов, кон сите нас беше срдечно примен и со едногласна констатација дека сите ние сме секогаш подготвени и спремни, со тие ресурси со кои што во моментот располагаме, да излеземе во пресрет и соодветно да одговориме на секое барање упатено до нас од страна на секој градоначалник на Локална самоуправа,, соопштија од ЦУК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
