Градоначалникот на Струмица Костадин Костадинов на ФБ објави дека на следната седница на Советот ќе побара да бидат разрешени сите членови на карневалскиот одбор оти како што има напишано имало обиди за груба партизација. Конкретно не прецизираше за што станува збор но најави дека новите членови ќе се избираат по пат на Јавен повик а не како досега. За ваквата негова одлука го известил и претседателот на Советот на Општина Струмица Марјан Даскаловски.
,, Почитувана Струмицо, нашиот карневал е составен дел на нашиот идентитет и никој ама баш никој нема право да го чепка, разурнува или да прави груби обиди за партизација. Сметам дека е време за одлуки, Карневалскиот одбор е тело во состав на Советот на општина Струмица. Денеска го известив Претседателот на совет дека на прва наредна седница ќе поднесам точка со која сите членови на карневалскиот одбор ќе бидат разрешени! Се надевам дека предлогот ќе биде прифатлив за огромно мнозинство на советот. Дополнително, нови членови да се одберат по пат на Јавен Повик на кој ќе можат да се пријават луѓе, локал патриоти вљубеници во културата, млади кои сакаат да го градат духот на карневалот така како што заслужува Струмица,, напиша Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
