Градоначалникот Костадинов стави потпис за зголемување на платите на општинарите и пожарникарите во Струмица

272

Првиот човек на Општина Струмица Костадин Костадинов  објави дека ги потпишал потребните документи со кои на општинската администрација им се зголемуваат платите за 20 одсто а пожарникарите ќе може да добваат месечна плата од 80 илјади денари. Информацијата за зголемување на платите ја објави на својот ФБ профил споделувајки фотографии од потпишување анексот договорот со Синдикатот на УПОЗ  а со првиот човек на  ТППЕ Струмица Меморандум за соработка и спроведување на систем за вреднување на работна успешност.

,,Само мотивирана администрација значи ефикасна и човечка локална власт.Потпишан е анексот со Синдикатот на УПОЗ со кој вработените во Општина Струмица ќе добиваат 20% повисока плата! Зголемената плата ќе се исплати со септемвриската плата, во месец октомври“, напиша градоначалникот Костадинов

Со командирот на ТППЕ Струмица Александар Гудев потпишан е Меморандум за соработка и спроведување на систем за вреднување на работна успешност.

,,Ова значи плата од 80.000 денари плус додатоци која ќе важи од септември, а исплатена во октомври. Среќен сум, а знам дека и нашите пожарникари се среќни затоа што ќе имаат највисоки плати меѓу своите колеги, со своите семејства ќе имаат достоинствен живот, ќе бидат уште повеќе мотивирани и попрофесионални во професијата со висок ризик по нивните животи“, објави Костадинов на својот ФБ профил

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.

ПОВРЗАНИ СТАТИИПОВЕЌЕ ОД АВТОРОТ