Градоначалникот на Струмица, Костадин Костадинов ги потпиша решенијата со кои основната плата на пожарникарите се зголемува на 80.000 денари. На зголемувањето на платите на пожарникарите се спротистави општинскиот Совет.
,,Хероите на Струмица, нашите пожарникари спасители од септември ќе ја добијат заслужената награда за својата храброст и пожртвуваност. Со новите решенија тие ќе бидат најплатени во Македонија, со месечна плата од 80.000 денари. Тоа е најмалку што можеме да направиме за луѓето кои секојдневно го ризикуваат сопствениот живот за да спасат туѓ“, објави на ФБ Костадинов.
Решенија за зголемување на платата добиваат и вработените од општинската администрација. Септемвриската платата ќе ја добијат зголемена за 20 проценти.
,,Тоа е порака дека трудот и посветеноста во служба на граѓаните не остануваат незабележани. Знам дека ниту една бројка не може да ги надомести сите стресови, ризици и одговорности. Но ова е доказ дека Струмица знае да каже благодарам не само со зборови, туку и со дела. Ова не е само финансиска одлука. Ова е симбол на почит. Симбол на вреднување. Симбол на нова ера во која храброста и чесниот труд стојат на пиедестал“, е ставот на градоначалникот Костадинов.
Како што најави градоначалникот, од почнува и исплатата на К-15 за административците.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
