Првиот човек на Василево – Славе Андонов најави реализација на нови пет инфраструктурни проекти во Општината. Како што објави на својот ФБ профил ги попишал договоирите кои ќе бидат финансирани со поддршка на Владата преку Миниситерството за локална самоуправа. Станува збор за средства од вториот повик што Владата го распиша за општините за реализација на проекти со унгарскиот заем.
,,Станува збор за следните пет проекти: Изградба на отворен канал во село Дукатино, Изградба на фекална канализација во село Радичево, Реконструкција и ревитализација на улица од влезот до центарот на село Пиперево, Реконструкција на улица во село Нова Маала кон локалните гробишта, Изградба на последен крак од фекална канализација во Пиперево“, објави градоначалникот Андонов
Проектите се одобрени по поднесување на целокупната потребна документација во рамките на Јавниот повик објавен од страна на Владата, а нивната реализација ќе значи значителен чекор кон унапредување на комуналната и патната инфраструктура во неколку населени места од општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
