„Активностите за изградба на детската градинка во населеното место Ангелци се одвиваат со предвидената динамика“, информираше градоначалникот на општина Василево, Марјан Јанев, по неговата посета на објектот во изградба, Детска градинка, во населеното место Ангелци.
Планираниот капацитет на градинката е 55 дечиња и во неа главно би се сместувале децата од населеното место Ангелци и соседните Градашорци, Седларци и Едрениково.
Средствата за изградба на објектот како и неговото комплетно уредување и опремување , во висина од околу 14 400 000 денари се обезбедени од Министерството за труд и социјална политика на РСМакедонија преку Програмата на Владата на РСМакедонија за изградба, опремување и одржување на објекти за детска заштита за 2020 година.
Од страна на општината обезбедена е парцелата со сите потребни услови за формирање и функционирање на градилиште, односно приклучоци за струја и вода а по изградбата и приклучоци за греење и канализација.
На почетокот од оваа година општина Василево и Министерството за труд и социјална политика потпишаа Договор за заедничка соработка и делување во рамките на своите стратешки определби преку поддршка на активности од јавен интерес за унапредување, промоција и поддршка на политиките за развој на детската заштита со цел да придонесат за поголем опфат на децата во детските градинки. Резултат на овој Договор е детската градинка во населеното место Ангелци, чиј рок на изградба е 16 месеци
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
