Грчките власти од денес воведоа нови мерки за заштита од коронавирусот при што на ГП ,,Евзони’’ на камионџиите што ќе влегуваат во нивната земја ќе им прават брзи корона тестови. По вчерашните километарски колони со тешки товарни возила на македонска страна, денеска беше мирно, но за влез во Грција беа забележливи десетици камиони и цистерни кои чекаа додека нивните возачи бидат тестирани. Ова мерка како што кажа командирката на ГП Богородица Јасминка Аврамска важи од денес при што на Евзони влезот во Грција навечер нема да работи бидејки ќе нема здравствени тимови што ќе прават брзи ковид тестови
,, Според информациите што ги добивме од колегите од грчка страна, Евзони за влез во Грција ќе биде отворен секој ден од 6 до 18 часот по македонско време. Во тој период може да се помине грчката граница под услов возачот биде негативен на брзите тестови кои се бесплатни а ќе се прават на самиот граничен премин за што имаат ангажирано здравствени екипи. За резултатите се чека од 10 до 15 минути. Камионџиите знаат дека треба да се пријават на граничниот портал и да добијат одобрување за влез и код за тестирање,, кажа Аврамска
На ГП Богородица околу пладне поминаа едвај дестина камиони и цистерни кон Грција. Немаше задржувања. Тие реагираат дека со воведувањето на новата мерка се губи време а со затворањето на Евозни за влез во ноќните часови трпи економијата.
Од македонските гранични служби тврдат дека нема ограничување на бројката на камионџии кои можат да поминат во Грција преку Евозни во текот на еден ден. Инаку овој граничен премин и понатаму останува затворен за патен сообраќај со исклучок на грчките државјани
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
