Вечерва по полоноќ нафтените деривати поскапуваат за 1,5 денари по литар, соопшти Регулаторната комисија за енергетика.
Според оваа одлука, новата цена на Еуросупер БС-95 ќе биде 86,50 денари за литар, на Еуросупер БС-98 ќе изнесува 88,50, а дизелот ќе се продава по цена од 81 денари за литар. Малопродажната цена на Екстра лесното масло за домаќинство ќе изнесува 80,50 денари.
Се зголемува и малопродажната цена на мазутот за 0,801 денари за килограм во однос на претходно утврдената цена и од полноќ овој енергенс ќе чини 46,592 денари за килограм.
Новата одлука за зголемување на цените, од Регулаторната комисија ја оправдаа со зголемувањето на цените на нафтените деривати на светските берзи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
