Согорувањето на биомасата или горењето огревни дрва се најголем загадувач на воздухот во Струмица. Вака покажа едногодишниот мониторинг на квалитетот во воздухот во Струмица што го направи Универзитетот Гоце Делчев во Струмица преку лабараторијата Амбикон во рамките на проектот „Справување со загадувањето на воздухот“. Проектот се имплементира во соработка со УНДП а го финансира Шведската амбасада со кој граѓаните треба да дадат предлози на што да се потрошат 340 илјади долари за да се добие почист воздух во Струмица.
,,Најголемо учество во загадувањето на воздухот во Општина Струмица има согорувањето на биомасата, која на годишно ниво учествува со 35 отсто и во зимскиот период ги надминува дозволените гранични лимити. Втор извор на загадување е сообраќајот, а другите извори учествуваат со помал процент. Кога велиме соговрување на биомаса мислиме на согорување на огревните дрва кое не е само од домакинствата туку и сите капацитети кои го користат како за загревање така и за произвдоство,, рече Афродита Зенделска професорока на Факултетот за природни и технички науки штипскиот универзитетот.
Струмица последниве години е на врвот на најзагадените градови во Македонија. Општината преку субвенции за приклучок на гасоводната межа и корситењето гас, изградба на вело патеки, воведување електричен градски превоз се обидува да ги намали штетните емисии во воздухот. Сепак податоците од мониторингот на штипскиот универзитет покажа дека за проблемот е потребна и соработка со државните институции како што е ЈП Македонски шуми да врши испорака на суво огревно дрво.
,, Ова е предизвик за сите институции вклучително и Македонски шуми за испорака на суво и квалитетно огревно дрво. Веќе сме во разговори од тој аспект. Но има и еден друг важен сегмент а тоа е соработката и вклучувањето на граѓаните. Џабе се вело патеки ако не користеме велосипеди и воземе автомобили. Џабе е градски превоз ако не се користи. Еве нудиме субвенции од 47 илјади денари за приклучување на гасоводната мрежа. Граѓаните треба помасовно да ги кроситат овие бенефиции,, кажа градоначалникот Костадин Костадинов
Струмичани преку Форум на заедницата предложија низа мерки со кои треба да се намали аерозагаденоста во градот и населените места но кои ќе бидат прироритетни за финансирање ќе знаат на крајот од идниот месец кога самите преку партиципативно учество ќе донесат одлука за што ќе се трошат парите од шведската амбасада.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
