Голманот на струмички РК ,,Астраион’’ Васил Гогов од следната сезона се сели кај Европкиот првак ,,Вардар’’. Тој потпиша тригодишен договор со црвено црните и веќе се приклучи на првиот состав на Вардар каде шпанецот Писионеро бил позитивно изненаден од перформансите и квалитетот што го презентирал струмичкото момче.
Гогов кој е планиран за тимот на Вардар Јуниор во моментов работи со тимот што ја покори ракометна Европа, поради ангажираноста на Марко Кизиќ со настапот на Светското првенство, па црвено црните одлучија да биде дел од тренинзите на првиот тим на Вардар. Гогов има 19 години и во дресот на Астраион беше енигма за голем број екипи. Благодарение на неговите одбрани струмичани станаа хит во последното првенство.
,,Трансферот за мене е голем предизвик и големо доживување. Сега работам со европскиот првак а подоцна ќе се приклучам на Вардар Јуниор. Ова ќе биде голема шанса за мене што ќе можам да напредувам уште повеќе и да постигнувам уште успеси. Мене идол од вардаровите голмани ми беше Штербик и се надевам дека еден ден ќе бидам на негово ниво,, ни изјави Васил Гогов кој упати огромна благодарност до РК Астраион
,,Во изминатите 4 години додека бев во Астраион научим многу и стекнав едно искуство за кое многу сум благодарен и на тренерите и на стручниот штаб кои ми дадоа шанса да го презентирам мојот потенцијал во кој секако голем дел имаа и тие,, рече 19 годишниот Гогов.
Гогов повеќе од две години работи по програма на врвниот вардаров тренер, познатиот „брусач на млади голмански дијаманти“ единствениот Александар Царчев. Истата во неговиот тим РК Астраион ја споведуваше неговиот досегашен тренер, човекот кој предано се посвети на неговиот напредок Лече Пилчев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
