Поголема количина дрога скриена во камион со македонски регистарски таблички синоќа откриле екипи на Бирото за јавна безбедност (БЈБ) при Министерството за внатрешни работи (МВР) и на Царинската управа на граничниот премин „Богородица“.
Неофицијално, дрогата била скриена во камион што бил товарен со рециклирана отпадна хартија. Камионот, според првичните информации, влегол во земјава од Косово и требало да оди за Грција, а од таму да продолжи до крајната дестинација, Турција.
Дел од медиумите пренесуваат дека на „Богородица“ координирано бил пресечен канал за шверц на наркотична дрога. Од синоќа екипи на полицијата и на Царина на „Богородица“ вршат детални проверки на камиони. Повеќе детали за акцијата се најавуваат во текот на денот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
