Гевгелискиот музички тандем ,,The G Notes’’ составен од Глигор и Теодора Гошеви инаку брат и сестра, промовираа нов музички сингл на англиски насловен како ,,Се што ми треба, си ти’’ (All I need is you) . Станува збор за забавна поп песна со позитивна и певлива мелодија, во која Глигор и Теодора ги докажуваат своите музички и вокални способности. Паралелно со сниглот тие го промовираа и видео спотот снимен на Кожув но и Егејот во Грција. Идниот месец се очекува да излезе и македонската верзија
,, Нашите песни ги правиме и на македонски и на англиски. Ова ни е шести сингл на англиски а исто толку имаме објавено и на македонски. Македонската верзија од ова песна, планираме да ја објавиме во мај. Спотот на песнава е снимен на планината Кожув и на ,,Sany beach’’ во Грција, каде со наши пријатели бевме на прошетка и забава и плажа па најдобрите видео парчиња ги искористивме за спот,, ни изјави за Дрнка.МК пејачот и гитарист Глигор Гошев кој се јавува и како автор на музиката за синглот кој веќе се врти на големо по радиостаниците
,,The G Notes’’ постои околу 5 години и своите музички чекори ги започнаа од шоуто Музички идол. Станува збор за млад музички тандем кој со својата позитивна енергија полека се наметнуваат на македонската музичка сцена. Автори на песните се Глигор и Теодора а околу текстовите им помага и Томе Таушанов
Еве го синглот ,,Се што ми треба си ти’’ или – All I need is you
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
