Претпладнево Општинската изборна комисија на Валандово го дистрибуираше материјалот за гласање за Градоначалник до избирачките одбори во оваа општина кои треба да ги посетат болните и изнемоштени лица. Вкупно 201 лице се пријавени за гласање во сопствените домови за вториот изборен круг од овие Локални избори. За таа цел ангажирани сите 24 избирачки одбори како во градот така и во населените места на Општина Валандово кои треба да го спроведат гласањето на болните и немоќни лица во оваа општина.
Освен во Валандово денеска за Градоначалник гласаат болните и изнемоштени лица и во општините Дојран и Конче. Во Општина Дојран според податоците на ДИК има пријавено 76 лица кои треба да ги посетат избирачките одбори во текот на денот. Во Општина Конче пак до надлежните се пријавени 84 болни и изнемоштени лица кои гласаат денеска. ( Б.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
