Средствата од 2,5 милиони евра грант по реализацијата на втората фаза од Програмата за водовод и канализација финансирана од Германската влада преку KFW банка ќе бидат наменети за инфраструктурно уредување на три населби во Гевгелија.Вака одлучи Советот на општина Гевгелија.
Со доделениот грант ќе се гради водовод , фекална и атмосферска канализација на улицата „Александар Бел“ во станбената населба Мрзенски рид кај Гевгелија, потоа, на улиците „Галилео Галилеј“, „Апостол Петков“ и „Павел Шатев“ во станбената населба Караорман, а целосната инфраструктура ќе биде изградена и на улиците во новата станбена населба Касарна.
Покрај овие три проекти, од германскиот грант, исто така, треба да бидат изградени водоводни линии од Мрзенци до Негорци и од Негорци до Прдејци, со што ќе се обезбеди поврзување на овие две населени места и ТИРЗ „Прдејци“ со регионалниот водовод во Гевгелија но и санација на линијата од Гевгелија до граничен премин Богородица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
