Првиот човек на Гевгелија бара од државата со фискалната децентрализација да добиваат и дел од колачот на казина бизнисите. Тоа барање е доставено до работните групи кои треба да ја прецизираат законската регулатива за трансферот на надележностите од централно на локално ниво. Градоначалникот Сашо Поцков пред министерот за локална самоуправа Горан Милевски во Струмица, повторно го актуелизираше ова прашање сметајки дека тоа е компаративната предност за развој на општина Гевгелија бидејки, основниот Буџет на општината ќе се зголеми за околу 50 проценти и ќе има пари за реализација на потребите на граѓаните
,,Ние сега немаме никакво зафаќање во локалниот буџет од „казино бизнисите“, а 20 проценти од прометот во казината е на име и презиме на некаков данок кој се слева во централниот буџет. Ние бараме само три проценти од тие 20 отсто.Не нови давачки, туку распределба на тие 20 отсто сега е 17 отсто на државата и три отсто на Министерството за здравство.Сакаме 14 отсто на државата, три на општините и три отсто на зравството. Со тоа општина Гевгелија би добила 1,5 милиони евра во основниот буџет, а ние сега имаме буџет од 3,5 милиони евра”, подвлече градоначалникот на Гевгелија кој смета дека од ДДВ то општините од сегашните 4,5 проценти треба да добиваат од 8 до 10 заради сигурност на основниот Буџет.
Министерот за локална самоуправа Горан Милевски истакна дека ќе биде разгледано ова барање од градоначалникот Поцков од страна на работните групи кои треба да донесат измени на неколку закони. За месец и половина ќе се знае што се ќе добиваат општините и во колкави проценти од даночниот колач.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
