По повод Меѓународниот ден за намалување на уништување на природата денес во Гевгелија се одржа еко акција за чистење на зелените појаси на повеќе улици од градот. Акцијата ја организираа општинските власти во соработка со ЈП Комуналец а на која се приклучија повеќе граѓани и организации. Се чистеа и уредуваа зелените површини на улиците: „Владо Кантарџиев“, „Борис Кидриќ“ и „Маршал Тито“, просторот позади Главната пошта, кај поранешното диско „Банго“, просторот околу Автобуската и Железничката станица и старото училиште „Владо Кантарџиев“ .
„Со оваа акција, и со акциите кои ќе ги организираме и во наредниот период, имаме за цел да ја подигнеме свеста кај граѓаните на општина Гевгелија, дека само од нас, од сите граѓани, зависи зачувувањето на животната средина и намалувањето на загадувањето, а Гевгелија да ја направиме што почиста и позелена. Со масовното приклучување на оваа акција ќе ја покажеме нашата одговорност и обврска кон природата. Зелената политика е обврска на Гевгелија’’ изјави за акцијата градоначалникот Сашо Поцков.
Ваквите акции имаат за цел да ја развијат свеста на човекот како најголем уништувач на природата и предизвикувач на природните катастрофи во насока на зачувување на животната средина и намалување на загадувањето.
За директорот на ЈПКД „Комуналец“, Златко Зумров, ваквите акции се дополнување на редовните и секојдневни активности кои ги превзема комуналното претпријатие во настојувањето за што почиста и позелена Гевгелија
Утре пак здружението Changemakers4allод Гевгелија со почеток во 12 часот со акција за чистење на локалитетот Динќут кој е среден и прилагоден и направен за сите генерации акција а во чест на волонтерите кои го пошумиле ове ритче.
,,Денес, делот каде што се клупите за кино, средби и сл. кој што е убаво постелен со каменчиња, за жал, пушачите го покриле со отпушоци од цигари !!!
Дали знаете дека за само еден отпушок требаат 500 литри вода, и 15 години за разградба ??? Да, настанот е на 11-ти Октомври – многу значаен ден за нашата земја.
Затоа што си ја сакаш, и почитуваш нашата земја – Придружи се и ти,, објавија од
Changemakers4al
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
