Советот на општина Гевгелија на денешната седница донесе одлука за субвенционирање на граѓани од ова општина кои ќе набават нов велосипед од економски оператори кои егзистираат на територијата на општина Гевгелија. Субвенцијата ќе изнесува 5 000 илјади денари со вклучен пероснален данок што значи 4500 денари нето износ.
Според одлуката , субвенциите ќе се одделат по принципот прв дојден прв услужен а заинтересираните треба да се полнолетен жител на општината, да ги имат подмирено давачките кон општината, да нема друг од семејството корисник на ваква субвенција но и да приложат фискална сметка за купен нов велосипед од трговци кои егзистираат во општината
За ова намена општина Гевгелија планира да потроши половина милион денари или да субвенционира најмалку 100 жители меѓу кои не смеат да бидат вработени во општина, членови на Своетот и членови на нивното потесно семејство. Посебна комисија составена од градоначалникот Сарамандов составена од вработени од општинската админситрација ќе биде задолжена за спроведување на Јавниот повик кој се очекува доколку Советниците позитивно се изјаснат.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
