Општина Гевгелија е рангирана највисоко од општините од Југоистокот по индексот на активна транспарентност на истражувањето што го направи Центарот за граѓански комуникации, помогнати од УСАИД. Станува збор за објавување на информации и податоци на своја иницијатива, без да побара било кој. Според податоците на Центарот, ова општина има 84,6 индексни поени и спаѓа во групата јавни институции со многу добра активна транспарентност.
Под ’активна транспарентност‘ се подразбира објавувањето информации на
сопствена иницијатива на институциите, без притоа некој да има доставено до
нив барање за пристап до тие информации на своите интернет страници а се во интерес на граѓаните. Конкретно, секојдневно информирање за работата на општинските служби, објавување одлуки, записници, службени весници, буџети, јавни набавки, завршни сметки….
Втора по ред е општина Струмица која има 75,4 индексни поени додека трета е општина Василево со 72,3 индексни поени . Овие две општини заедно со Богданци која е четврта на рангирањето на локалните самоуправи од Југоистокот, се во групата општини со добра активна транспарентност.
Валандово и Радовиш кои се на петата и шестата позиција се во групата со просечна активна транспарентност додека во групата општини со слаба активна транспарентност од Југоистокот се Босилово , Дојран, Конче и Ново село.
Истражувањето се прави четврта година по ред на институциите кои се директни
носители на извршната власт на централно и на локално ниво, односно на
Владата, на министерствата и на локалните власти, односно на општините и
градот Скопје.
Во однос на одделните области на активната транспарентност – институциите објавуваат најмногу информации од областа на пристапот до информации, а најмалку од областа на буџетската и финансиската транспарентност.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
