Општините Гевгелија и Богданци во наредниот период ќе имплементираат проект од Програмата за прекугранична соработка со соседна Бугарија каде водечки партнер е Општина Разлог. Станува збор за проектот “Балкански алтернативни рути за мобилност за одржлив туризам за сите сезони” во кој освен општините се вклучени и пет граѓански организации меѓу кои и Фондацијата за локален развој и развој на информатички технологии од Гевгелија.
Целиот проект чини 950 илјади и 342 евра. За македонските партнери се предвидени 483 илјади и 911 евра. Општина Гевгелија ќе добие 308 767, Општина Богданци 96 900 а Фондација за локален развој и развој на информатички технологии – Гевгелија 78.244,00 евра. Месецов треба да се потпише договорот и да отпочнат предивдените активности во сите осум партнери вклучени во проектот
Во рамките на овој прокет во наредните две години во Општина Гевгелија конкретно во селото Серменин ќе се формира Мултифункционален туристички пријателски центар со реконструкција на старо училиште во селото Серменин и изградба на велосипедска патека во должина од 1003 метри од формираниот центар до Серменинскиот манастир Св. Илија.
Во Општина Богданци пак во рамките на овој проект ќе се рехабилитира и адаптира постоечки објект во село Ѓавато во простор за туристи и велосипедисти односно да прерасне во зграда инфо центар за посетители како и просторија за одмор и подготовка на велосипедисти преку реконструкција на дел од зградата на Центарот за култура (фаза 1) во село Ѓавато. Проектот предвидува да се даде нова функција на малата зграда, која ќе се трансформира во туристички и велосипедски центар.
Програмата Interreg VI-A ИПА Бугарија – Македонија 2021-2027, во рамките на Приоритет 3 „Интегриран развој на прекуграничниот регион“, има за цел да ја промовира соработката и одржливиот развој во прекуграничниот регион. Преку Територијалната стратегија и специфичната цел 1.2, програмата се фокусира на развој на атрактивен и целогодишен туристички производ преку паметни решенија кои обезбедуваат универзален пристап и учество. (В.Трајков /фото ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
