Гевгеличани во иднина ќе знаат каков воздух дишат и колку тој е загаден со ПМ 10 честички, откако беше ставена во функција мониторинг станица за мерење на квалитетот на амбиенталниот воздух. Станицата е дел од проектот ,,Развивање и имплементација на здравствен индекс за загадување на воздухот во прекуграничниот регион,, со соседна Грција, кој во земјава го имплементираа Цeнтарот за климатски промени од Гевгелија и Министерството за животна средина а го финансира ЕУ за што во Гевгелија беше присутен и евроамбасадорот Дејвид Гир.
,, Загадувањето на воздухот станува животен феномен со долгорочни импликации по здравјето на луѓето. Затоа и посветеноста на ЕУ за намалување на загадувањето на воздухот е од приоритетно значење. Во инвестициониот план на ЕУ за западен Балкан донесен минатата недела посебно внимание се посветува на Златната агенда во која загадувањето на воздухот се смета за уште еден голем предизвик по пандемијата со ковид-19,, рече евроамбасадорот Дејвид Гир
Мерната станица е опремена со повеќе инстурменти и ќе дава резултати на часовна и дневна концетрација на азотни оксиди, сулфур диоксид, јаглероден моноксид, озон а меѓу другото ќе ги отчитува и опасните ПМ 10 честички. Истата ќе биде поврзана со националниот софтвер и мониторинг мрежа за следење на квалитетот на возудухот со која управува Министерството за животна средина
,, Со поставување на мониторинг станицата во Гевгелија, за првпат ќе се воспостави механизам за редовно следење на состојбата со квалитетот на воздухот и изворите на загадување во овој прекуграничен регион. Истовремено ќе се подигне свеста за заштита ,, рече градоначалникот Сашо Поцков.
Целиот проект со соседна Грција каде го спроведува општина Флорина и Европската регионална рамка, изнесува околу 970 илјади евра. На македонска страна освен набавка на нова станица во Гевгелија со проектот заменети се и мерните инструменти на станицата Битола 1 информираа од Центарот за климатски промени Гевгелија.
Фото ТВ Нова
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
