Изминативе денови во Хургада Египет се оддржа престижниот „Top Models of the World 2020“, каде преставничка од Македонија беше 19 годишната Ана Брзанова од Гевгелија. Во конкуренција на 45 учеснички младата гевгеличанка ја освои титулата на Топ модел со најдобра вечерна тоалета како дел од програмата за настап на секоја од учесничките на овој натпревар на кој победи преставничката на Шпанија.
Како што објави националниот директор на ТМW за Македонија Роберт Граматиков на својот фб профил, Ана носела модел изработен од дизајнерскиот тим на модната куќа Нана и Наталија Накова со кој ги освоила симпатиите на стручното жири на финалната вечер која се оддржа во петокот, за што Граматиков напиша деа е горд на Ана.
Како што пренесе Телевизија Нова од Гевгелија, Ана Брзанова со манекенство се занимава три години и овој натпревар преставувал огромно искуство во желбата за освојување на светските модни писти. Инаку со освојувањето на титулата на „Top Models of the World 2020“ Ана добила подарок свечен фустан дизајниран од еден oд членовите на жирито Julio Cesar Battaglia, и учество на ревија во Шпанија на Marbella fashion week.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
