Деновиве беа презентирани фотографиите на гевеличани кои учествуваа на тридневната работилница на професионалниот фотограф од Гевгелија Димитар Новаков. Изминатиот месец тие на повеќе локации теоретски и практично се едуцираа како да се направи фотографија која носи порака од естетски и уметнички аспект. Фотографиите беа изложени на старата чаршија речиси околу два часа а ги видоа повеќе стотина гевгеличани кои беа изненадени од пораките што ги видоа во самите фотографии од своите сограѓани
,,Идејата беше да се подигне свеста за квалитетна фотографија во вистинската смисла на зборот и да се прикаже нејзината уметничка вредност. За време на работилницата работевме на потикнување на имагинацијата за креирање фото приказни и запознавање со напредните техники за креативни фотографии. Вниманието беше ставено на изработк на пејсаж фотографии но и на изработка на улична и ноќна фотографија. Пријатно сме изненадени од креативноста и талентот на моите ученици почетници што направија толку издржани фотографии. Издражани на приказна, емоција и композиција. За најголемиот дел од нив ова беше прва изложба и драго ми е што им го овозможивме тоа искуство,, ни изјави Димитар Новаков
Работилнцата за изработка и изложбата на фотографии се реализираше во соработка со Пионерскиот дом и општина Гевгелија за што Новаков упати благодарност. Смета дека вакви работилници се потребни бидејки на тој начин се отвара можност што повеќе млади луѓе преку фотоапаратите и фотографиите да раскажат своја или нечија приказна за промена на одредени нешта во светот
,, Јас сум убеден дека и во иднина ќе има вакви работилници и заеднички изложби бидејки Гевгелија има потенцијал мислам на лица кои може направат квалитетни фотографии кои носат силни приказни’’, ни одговори Новаков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
